অন্ধ্ৰপ্ৰদেশৰ দৰেই বজালী জিলাকো কণী উৎপাদনৰ কেন্দ্ৰবিন্দু ৰূপে গঢ় দিবৰ বাবে লোৱা হৈছে প্ৰথম পদক্ষেপ

অসমে বছৰেকত ৪৭.৫০ কোটি কণী উৎপাদন কৰে আৰু ৫১২ কোটি কণী বাহিৰৰ পৰা আমদানি কৰিবলগীয়া হয় ৷ যিহেতু বজাৰত কণীৰ চাহিদা যথেষ্ট আছে, সেয়েহে কণীৰ বজাৰখন দখল কৰিবৰ বাবে প্ৰতিবছৰে অসমত অতিৰিক্ত ৫১২ কোটি কণী উৎপাদনৰ লক্ষ্য আমাৰ ৷

ভাৰতত যেনেকৈ কণী উৎপাদনৰ ক্ষেত্ৰত অন্ধ্ৰপ্ৰদেশ শীৰ্ষস্থানত আছে ঠিক তেনেকৈ অসমতো বজালীক কণী উৎপাদনৰ ক্ষেত্ৰত মুখ্য কেন্দ্ৰবিন্দু ৰূপে গঢ় দিয়াৰ সপোন ৰচা হৈছে ৷ এই কাৰ্যসূচী আগন্তুক দিনত অসমৰ প্ৰতিখন গাঁৱতে কাৰ্যকৰী কৰাৰ বাবে সিদ্ধান্ত লোৱা হৈছে ৷ এইক্ষেত্ৰত ভাৰতীয় ষ্টেট বেংক অৱ ইণ্ডিয়াৰ সহযোগিতা বিচাৰি আলোচনা কৰা হৈছে আৰু বেংকে ইতিমধ্যে ইতিবাচক সঁহাৰি জনাইছে ৷