আপুনি বিধানসভাৰ মজিয়াত মোক সোধা প্ৰশ্নৰ মই যথাযথ উত্তৰ তথ্য সহ আপোনাক দিছোঁ ৷ মই জানো যে সেইখিনি আপুনি কাকো অৱগত নকৰে ৷ সেয়েহে, এইবিষয়ে আপোনাৰ শুভাকাংক্ষী আৰু পথ প্ৰদৰ্শক সকলৰ জ্ঞাতাৰ্থে সামাজিক মাধ্যম যোগে অৱগত কৰাটো উচিত বুলি ভাবিলো ৷
পঞ্চায়ত আৰু গ্ৰামোন্নয়ন বিভাগৰ অধীনত পঞ্চায়ত সমূহে বিভিন্ন উৎসৰ পৰা কৰ সংগ্ৰহ কৰাৰ বিষয়ে মই সংবাদ মাধ্যম আৰু সামাজিক মাধ্যম যোগে ৰাইজক অৱগত কৰিছিলোঁ ৷ সেই কথাখিনিক একাংশই ৰাইজৰ মাজত ভুলকৈ প্ৰচাৰ কৰি থকা দেখা পালোঁ ৷ এইক্ষেত্ৰত সৎ গগৈৰ শুভাকাংক্ষী আৰু পথ প্ৰদৰ্শক সকলৰ ভূমিকা উল্লেখনীয় তেওঁলোকে মই ব্যস্ত থকাৰ সুযোগ লৈ ৰাইজক বিপথে পৰিচালিত কৰিবলৈ আপ্ৰাণ চেষ্টা চলাই থকা মোৰ পৰিলক্ষিত হৈছে ৷
সেয়েহে, মোৰ কথাখিনিৰ ভিত্তি স্বৰূপে অসম পঞ্চায়ত আইন ১৯৯৪ আৰু ২০০২ ৰ নিয়মাৱলীখনৰ কিছু অংশ সকলোৱে বুজিব পৰাকৈ এই পোষ্টটোৰ লগত সংলগ্ন কৰি দিছোঁ ৷ ইয়াৰ পিছতো যদি আপোনালোকে ভুল বাৰ্তা প্ৰচাৰ কৰি থাকে তেতিয়াহ’লে মোৰ আৰু বিশেষ ক’বলগীয়া নাই ৷ 
