আজিৰ তাৰিখত সমগ্ৰ ৰাজ্যতে ২,০০,০০০ তকৈ অধিক পৰিয়ালৰ ঘৰত পানী যোগান সংযোগ স্থাপন কৰা হৈছে ৷ এইয়া আমাৰ বাবে এক বৃহৎ সফলতাপূৰ্ণ অভিলেখ ৷

আজি জনস্বাস্থ্য কাৰিকৰী বিভাগৰ উদ্যোগত ‘জল জীৱন মিছন’ৰ অধীনত বঢ়মপুৰ বামুনী ৰোড, বেজৰচুক, নেধাৰগাঁওত এটি পানী যোগান আঁচনিৰ শুভাৰম্ভ কৰি মই অতিকৈ আনন্দিত হৈছোঁ ৷ আজিৰ দিনটো জনস্বাস্থ্য কাৰিকৰী বিভাগৰ প্ৰতিজন বিষয়া কৰ্মচাৰীৰ বাবে এক বিশেষ দিন ৷ কিয়নো তেওঁলোকৰ অহোপুৰুষাৰ্থৰ বাবেই আজি আমি এক বৃহৎ সফলতা লাভ কৰিবলৈ সক্ষম হৈছোঁ ৷

আজিৰ তাৰিখত সমগ্ৰ ৰাজ্যতে ২,০০,০০০ তকৈ অধিক পৰিয়ালৰ ঘৰত পানী যোগান সংযোগ স্থাপন কৰা হৈছে ৷ এইয়া আমাৰ বাবে এক বৃহৎ সফলতাপূৰ্ণ অভিলেখ ৷

২০২৪ চনৰ ভিতৰত দেশৰ প্ৰতিঘৰ পৰিয়ালে খোৱা পানীৰ সংযোগ লাভ কৰাৰ মাননীয় প্ৰধানমন্ত্ৰী নৰেন্দ্ৰ মোদী ডাঙৰীয়াৰ সপোনক বাস্তৱ ৰূপায়িত কৰাৰ ক্ষেত্ৰত আমাৰ চেষ্টা আমি অব্যাহত ৰাখিছো ৷ যাৰ ফলশ্ৰুতিত যোৱা জুলাই মাহতকৈ এই আগষ্ট মাহত আমি নিৰ্ধাৰিত লক্ষ্যতকৈ অধিক পানীৰ সংযোগ স্থাপন কৰিবলৈ সক্ষম হৈছোঁ ৷

মাননীয় মুখ্যমন্ত্ৰী ড° হিমন্ত বিশ্ব শৰ্মা ডাঙৰীয়াক তেখেতৰ দিহা-পৰামৰ্শ তথা সহযোগিতাৰ বাবে অশেষ ধন্যবাদ জ্ঞাপন কৰিছোঁ আৰু ‘জল জীৱন মিছন’ আঁচনি সৈতে জড়িত সংশ্লিষ্ট সকলোকে কৃতজ্ঞতা জ্ঞাপন কৰিছোঁ ৷