নবীনক মৰম আৰু প্ৰবীণক সন্মান, এই নীতি দল আৰু চৰকাৰত সদায় বিৰাজমান হৈ থাকক তাৰেই কামনা কৰিছোঁ
অসম চৰকাৰৰ State Inovation and Transformation Ayog ৰ উপাধ্যক্ষ হিচাবে দায়িত্বভাৰ গ্ৰহণ কৰা ৰমেন ডেকাক মই আন্তৰিক শুভেচ্ছা আৰু অভিনন্দন জ্ঞাপন কৰিছোঁ।
মাননীয় ৰমেন ডেকা ডাঙৰীয়া ভাৰতীয় জনতা পাৰ্টিৰ প্ৰাক্তন ৰাজ্যিক সভাপতি আছিল ৷ এই গৰাকী ব্যক্তিৰ নেতৃত্বতে মই প্ৰথমবাৰৰ কাৰণে কিষাণ মৰ্চাৰ সভাপতিৰ দায়িত্ব গ্ৰহণ কৰি সুকলমে পাৰ কৰিছিলো ৷ তেখেত ৰাজ্যিক সভাপতি হোৱাৰ উপৰিও দুবাৰকৈ মঙ্গলদৈ সমষ্টিৰ সাংসদ হোৱাৰ পিছত মই ব্যক্তিগত ভাৱে আৰু বহু কিবা কিবি আশা কৰিছিলো ৷ এতিয়া তেখেতক SITA ৰ দায়িত্ব দিয়াৰ কাৰণে মাননীয় মুখ্যমন্ত্ৰী ড° হিমন্ত বিশ্ব শৰ্মা ডাঙৰীয়াক মই আন্তৰিক ধন্যবাদ জ্ঞাপন কৰিছোঁ আৰু এইটোৱেই আমাৰ নীতি যে মই ৰাজ্যিক সভাপতিৰ দায়িত্বত থকাৰ সময়ত যিটো কথা প্ৰায়েই কৈ আহিছিলো প্ৰবীণক সন্মান আৰু নবীনক মৰম ৷ আমাৰ মাননীয় মুখ্যমন্ত্ৰী ডাঙৰীয়াই মোৰ সেই অনুভৱ খিনিৰ দৰেই ৰমেন ডেকা ডাঙৰীয়াৰ ক্ষেত্ৰত সাৰোগত কৰিছে বুলি ভাবিছো ৷ সেয়েহে আজি মই এক অনন্য আনন্দ অনুভৱ কৰিছোঁ ৷ মুখ্যমন্ত্ৰী ডাঙৰীয়াই অকল ৰমেন ডেকা ডাঙৰীয়াকে নহয় আমাৰ প্ৰাক্তন সভাপতি ৰাজেন গোহাঁই ডাঙৰীয়াকো কেবিনেট পৰ্যায়ৰ দায়িত্ব দি চৰকাৰৰ অংশীদাৰ কৰিছে ৷
