“কৰ্মই আমাৰ ধৰ্ম”। নিজ নিজ কৰ্ম নিষ্ঠাৰে কৰি যোৱাটোৱেই আমাৰ সমগ্ৰ জীৱনৰ ধৰ্ম আৰু পুণ্য। অবিৰত ভাৱে সেয়ে আমি নিজৰ কৰ্ম কৰি যাবই লাগিব। কৰ্ম অবিহনে জীৱন স্থবিৰ আৰু স্তব্ধ। নিজৰ কৰ্মৰ প্ৰতি আগ্ৰহ আৰু আন্তৰিকতা বৃদ্ধিৰে আমি গৈ থাকিবই লাগিব নিজৰ জীৱন পথত।
আজি মই দিনযোৰা কৰ্মসূচীৰে কেইবাটাও কাৰ্যসূচী সমাপন কৰিম। পুৱা ৯-৩০ বজাত উপ-বিভাগীয় ভূমি উপদেষ্টা সমিতিৰ বৈঠক, ১০-৩০ বজাত “আমাৰ বজালী আমাৰ ফুলনি” ৰ শুভ উদ্বোধন অনুষ্ঠান, দুপৰীয়া ১২ বজাত বাঘমাৰা গাঁও পঞ্চায়ত কাৰ্যালয়ৰ “ভূমি পূজন” অনুষ্ঠান, ১২-৩০ বজাত বজালী খণ্ড উন্নয়ন কাৰ্যালয়ত পঞ্চদশ বিত্তীয় আয়োগৰ খণ্ড পৰামৰ্শমূলক সভা, বিয়লি ৩ বজাত সম্বৰ্ধনা অনুষ্ঠানত অংশ গ্ৰহণ আৰু বিয়লি ৫ বজাত বেলনা গাঁও পৰিদৰ্শন কৰিম।
সেয়েহে পুৱাই শৰীৰচৰ্চা আৰু প্ৰাতঃভ্ৰমণেৰে আজিৰ দিনটো শুভাৰম্ভ কৰি দিনটোৰ ব্যস্ততাৰ বাবে সাঁজু হৈছোঁ।
আপোনালোকৰ আজিৰ দিনটো শুভ হওঁক আৰু মংগলময় হওঁক ৷
