আজি বঙাইগাঁও জিলাত জিলা প্ৰশাসন আৰু জনস্বাস্থ্য কাৰিকৰী বিভাগৰ যৌথ উদ্যোগত আয়োজন কৰা “গান্ধী জয়ন্তী” আৰু “স্বচ্ছ ভাৰত দিৱস” ত অভিভাৱক মন্ত্ৰী হিচাবে উপস্থিত থাকি অতিকৈ আনন্দিত হৈছোঁ ৷

জাতিৰ পিতা মহামানৱ মহাত্মা গান্ধীৰ জন্মজয়ন্তী উপলক্ষে আজি বঙাইগাঁও জিলাত জিলা প্ৰশাসন আৰু জনস্বাস্থ্য কাৰিকৰী বিভাগৰ যৌথ উদ্যোগত আয়োজন কৰা “গান্ধী জয়ন্তী” আৰু “স্বচ্ছ ভাৰত দিৱস” ত অভিভাৱক মন্ত্ৰী হিচাবে উপস্থিত থাকি অতিকৈ আনন্দিত হৈছোঁ ৷

এই অনুষ্ঠানতে “জল জীৱন মিছন” ৰ জৰিয়তে বঙাইগাঁও জিলাত আজি মুঠ ৪০৮০ টা পৰিয়াললৈ খোৱা পানীৰ গৃহ সংযোগৰ শুভ উদ্বোধন কৰোঁ ৷ এই আঁচনিয়ে উক্ত পৰিয়াল সমূহৰ সুস্বাস্থ্য বৰ্তাই ৰখাৰ ক্ষেত্ৰত নিশ্চিত ৰূপত সহায় কৰিব বুলি মোৰ দৃঢ়বিশ্বাস ৷

ইয়াৰোপৰি, মহামানৱ মহাত্মা গান্ধীৰ স্বচ্ছ ভাৰত সপোনক সাকাৰ ৰূপ দিয়াৰ বাবে দেশৰ যশস্বী প্ৰধানমন্ত্ৰী মাননীয় নৰেন্দ্ৰ মোদী ডাঙৰীয়াই “স্বচ্ছ ভাৰত অভিযান মিছন” আৰম্ভ কৰিছিল ৷ তাৰ পৰিপ্ৰেক্ষিততে, ২ অক্টোবৰ গান্ধী জয়ন্তীৰ দিনটো “স্বচ্ছ ভাৰত দিৱস” হিচাবে পালন কৰা হয় ৷

এই ‘স্বচ্ছ ভাৰত দিৱস’ উপলক্ষে আজি বঙাইগাঁও জিলাত ৰিক্সা আৰু তিনিচকীয়া বাহনেৰে গোটা আৱৰ্জনা ব্যৱস্থাপনাৰ শুভ উদ্বোধন কৰি বঙাইগাঁও জিলাখনক স্বচ্ছতাৰ ক্ষেত্ৰত শ্ৰেষ্ঠ জিলাৰূপে গঢ়ি তোলাৰ বাবে সংকল্প লওঁ ৷