গণতন্ত্ৰত ৰাইজেই ৰজা – এই কথাটো আমি প্ৰত্যেকেই জানো ৷ ৰাইজৰ সক্ৰিয় সহযোগিতাৰ অবিহনে চৰকাৰ এখন বা বিভাগ এটা সুচাৰুৰূপে পৰিচালনা কৰাটো সম্ভৱ নহয় ৷ যদিহে ৰাইজৰ সহযোগিতা নাথাকে আৰু চৰকাৰ বা বিভাগ সমূহ কেৱল মন্ত্ৰী তথা বিষয়া কৰ্মচাৰীয়ে চলায় সেয়া একপক্ষীয় হ’ব ৷
বিগত দিনত ৰাইজৰ অভিযোগৰ ভিত্তিত পঞ্চায়ত আৰু গ্ৰামোন্নয়ন বিভাগত দুৰ্নীতি আৰু বিত্তীয় অনিয়মৰ ওপৰত তদন্ত কৰা হৈছিল আৰু সেইয়া সত্য প্ৰমাণিত হোৱাত যোৱা দুদিনত বিভাগে বহুকেইজন অভিযন্তা, বিষয়া আৰু কৰ্মচাৰীক তৎকালীন ভাৱে চাকৰিৰ পৰা অব্যাহতি দিছে আৰু বহুকেইজনক নিলম্বিত কৰিছে ৷ মই উপলব্ধি কৰোঁ, এইয়া সম্ভৱ হৈছে কেৱল ৰাইজৰ সদিচ্ছা আৰু সক্ৰিয় সহযোগিতাৰ বাবে ৷
গতিকে মই অনাগত দিনটো বিভাগৰ কাম-কাজ সুচাৰুৰূপে পৰিচালনা কৰাত ৰাইজৰ সক্ৰিয় সহযোগিতা কামনা কৰিছোঁ ৷ আশাকৰোঁ, ৰাইজে পূৰ্বৰ দৰেই ভুল ত্ৰুটি খিনি আঙুলিয়াই দিয়াৰ লগতে সহযোগিতা আগবঢ়াই যাব ৷
We are taking a firm stand against corruption & financial irregularities under P&RD.
Through many investigations based on public grievances, the Dept has terminated & suspended several engineers, officers & staff. People’s cooperation helps to bring fairness in governance.
