পানী যোগান আঁচনিৰ যিকোনো বিসংগতি দৃষ্টিগোচৰ হ’লে শীঘ্ৰেই স্থানীয় সংমণ্ডলৰ কাৰ্যবাহী অভিযন্তাক যোগাযোগ কৰক আৰু ৰাজ্যৰ উন্নয়নৰ এজন সক্ৰিয় অংশীদাৰ হওঁক
সকলোকে পুৱাৰ সম্ভাষণ জনাই দিনটোৰ শুভাৰম্ভ কৰিছোঁ ৷ আপোনালোক সকলোৰে কুশল কামনা কৰি প্ৰাৰ্থনা জনাইছোঁ ৷ ‘জল জীৱন মিছন’ ৰ কাম অধিক ত্বৰান্বিত কৰাৰ বাবে আমি মিছনৰ অধীনত হোৱা কাম-কাজৰ বিসংগতি সমূহ শীঘ্ৰে নিষ্পত্তি কৰিবলৈ আমাৰ প্ৰচেষ্টা নিৰন্তৰ ভাৱে অব্যাহত আছে ৷ ৰাইজক অধিক সোনকালে এটুপি খোৱাপানী যোগান ধৰিবলৈ বিভাগ বদ্ধপৰিকৰ ৷
সেয়েহে আজি মই অসমৰ প্ৰতিখন জিলাৰ অন্তৰ্গত প্ৰতিটো সংমণ্ডলৰ একোজনকৈ কাৰ্যবাহী অভিযন্তাৰ যোগাযোগ নম্বৰসহ নাম উল্লেখ কৰিছোঁ ৷ আপোনালোকে নিজৰ সংমণ্ডলৰ অধীনৰ পানী যোগান আঁচনিৰ যিকোনো বিসংগতি দৃষ্টিগোচৰ হ’লে তেখেতসকলক অৱগত কৰক আৰু ‘জল জীৱন মিছন’ ক আগুৱাই নিয়াত সহযোগিতা আগবঢ়াওক ৷ এয়া মোৰ আপোনালোকলৈ বিনম্ৰ আহ্বান ৷
