আজি পাটাছাৰকুছি সমষ্টিৰ নিত্যানন্দস্থিত শ্ৰীশ্ৰীদামোদৰ সেৱা সত্ৰ প্ৰাঙ্গনত অনুষ্ঠিত হোৱা কবিৰত্ন শ্ৰীশ্ৰীবৈকুণ্ঠনাথ ভাগৱত ভট্টাচাৰ্য (ভট্টদেৱ) ৰ ৩৮৪ তম পুণ্য তিৰোভাৱ তিথি (কথা-সাহিত্য দিৱস) উদযাপনৰ লগত সংগতি ৰাখি আযোজন হোৱা “ভট্টদেৱ বঁটা প্ৰদান অনুষ্ঠান” ত অংশগ্ৰহণ কৰোঁ ৷
অসমৰ শঙ্কৰোত্তৰ কালৰ কবিসকলৰ ভিতৰত অন্যতম ভট্টদেৱৰ সৃষ্টিৰাজি তথা সাহিত্যিক অৱদান সমূহৰ বিষয়ে উপস্থিত ৰাইজৰ সন্মুখত আলোকপাত কৰোঁ ৷
উল্লেখ্য যে, ভট্টদেৱে ভাগৱতৰ সাৰমৰ্ম ‘কথা-ভাগৱত’ ৰচনা কৰিছিল আৰু পিছত তেখেতে ‘কথা গীতা’, ‘কথা-ৰত্নাৱলী’ আদি গ্ৰন্থ ৰচনা কৰি আমাৰ সাহিত্যৰ পথাৰখন যুগ-যুগান্তৰলৈকে চহকী কৰি থৈ গৈছে ৷
