আজি শিৱসাগৰৰ প্ৰতিভাবান যুৱতী শ্ৰীমতী নিমিশা কাকতিয়ে তামোলৰ ঢকুৱাত আঁকি উলিওৱা চিত্ৰ সমূহ পৰিদৰ্শন কৰি আপ্লুত হ’লো ৷ যুৱতী গৰাকীয়ে বৰ্তমানৰ বিধান সভাৰ মাননীয় অধ্যক্ষ, মাননীয় মুখ্যমন্ত্ৰী, মাননীয় উপাধ্যক্ষ আৰু কেবিনেট মন্ত্ৰী তথা বিধায়ক সকলক তামোলৰ ঢকুৱাত সুন্দৰকৈ অংকন কৰিছে ৷
উল্লেখ্য যে, অসম বিধানসভাৰ সচিবালয়ৰ অস্থায়ী চাহমেল কক্ষত থকা তিনিখন অস্থায়ী ৱালত এই চিত্ৰসমূহ ওলমাই ৰখা হৈছে ৷
তেখেতৰ এই প্ৰতিভা অতিকৈ প্ৰশংসনীয় ৷ নিমিশা কাকতিয়ে আমাক যি মৰমৰ উপহাৰ দিলে তাৰবাবে মোৰ তৰফৰ পৰা আন্তৰিক ধন্যবাদ জ্ঞাপন কৰিছোঁ ৷ লগতে, তেখেতৰ উজ্জ্বল ভৱিষ্যৎ কামনা কৰিছোঁ ৷
